20:00 - 9.06.2026

---

9 iyun, Fineko/abc.az. ABŞ Prezidenti Donald Tramp və ailə üzvləri öz maliyyələrini riskə atmadan kriptovalyuta layihələri sayəsində şəxsi sərvətlərinə ən azı 2,3 milyard dollar əlavə ediblər. Eyni zamanda, onların təşviq etdiyi layihələrə pul yatıran investorlar ümumilikdə 2,3 milyard dollar xalis zərərə uğrayıb.

ABC.AZ xəbər verir ki, bu barədə "Reuters" agentliyinin blokçeyn qeydləri, korporativ sənədlər və ekspert rəylərinə əsaslanan geniş araşdırmasında bildirilir.

Araşdırmanın əsas məqamları:

• Eyni ssenari: Trampın oğulları (Eric və Donald Jr.) tərəfindən böyük reklam kampaniyaları ilə təqdim edilən 4 əsas kripto layihəsinin ($TRUMP meme coin-i, amiral gəmisi sayılan "World Liberty Financial", eləcə də "American Bitcoin" və "AI Financial Corp" şirkətləri) hər birində eyni model təkrar olunub: ailə minimal risklə milyardlar qazanıb, aktivlərin qiyməti dibə vurduqda isə 1 milyondan çox fərdi investor böyük itkilərlə üzləşib.

• Böyük gəlir: Təkcə "World Liberty Financial" layihəsi idarəetmə tokenlərinin satışından Tramp ailəsinə 1,4 milyard dollardan çox gəlir gətirib.

• Bazar liderliyi: 2024-cü ilin noyabr seçkilərindən bəri Tramp və ailəsi ABŞ-da birjada siyahıya alınan hər hansı bir korporasiyadan daha çox kripto mənfəəti əldə edərək token satışı bazarının böyük hissəsini ələ keçiriblər. Investorların əksəriyyəti Trampın siyasi nüfuzuna güvənərək araşdırma aparmadan investisiya etdiklərini etiraf ediblər.