11:29 - 20.02.2026
20 fevral, Fineko/abc.az. Kriptovalyutalarla bağlı qanunsuz əməliyyatların böyük hissəsi maliyyə cinayətləri, xüsusilə sanksiyalardan yayınma və çirkli pulların yuyulması ilə əlaqədardır.
ABC.AZ xəbər verir ki, araşdırmaya görə, bu əməliyyatların 86%-i məhdudiyyət altında olan kriptokisələr, birjalar və ödəniş platformaları vasitəsilə həyata keçirilən sanksiya yönümlü tranzaksiyaların payına düşür.
Bu prosesdə steyblkoinlər xüsusi rol oynayır — onlar həm ödəniş vasitəsi kimi, həm də Garantex və Grinex kimi birjalarla əlaqəli şəbəkələr vasitəsilə vəsaitlərin leqallaşdırılması üçün istifadə olunur.
Ekspertlər qeyd edirlər ki, steyblkoinlər qanunsuz xidmətlər və insan alveri ilə bağlı əməliyyatlarda üstünlük təşkil edir və cinayət gəlirlərinin yuyulması mərhələsində geniş tətbiq olunur.
