11:31 - 26.09.2025
26 sentyabr, Fineko/abc.az. ABŞ prezidenti Donald Tramp, idxal rüsumlarını artıraraq yerli sənayeni dəstəkləməyə yönəlmiş ticarət proqramını genişləndirərək ağır yük maşınlarına və bir sıra digər mallara dair yeni sənaye rüsumlarını elan edib.
ABC.AZ xəbər verir ki, beləliklə, ağır yük maşınlarına 25%, yumşaq mebellərə 30%, mətbəx dolablarına və hamam tumbalarına 50% rüsum tətbiq olunur. Rüsumlar 1 oktyabr 2025-ci il tarixindən qüvvəyə minəcək.
Bu tariflər Trampın polad və alüminiumdan əczaçılıq, elektronika və robot texnikasına qədər artan sayda məhsulu əhatə edən siyasətinin bir hissəsi olacaq.
Bundan əlavə, oktyabrın 1-dən etibarən şirkət ABŞ-da zavod tikməsə, markalı və patentli dərmanlara 100% rüsum tətbiq olunacaq. Tikinti başlayarsa, tariflər tətbiq olunmayacaq.
