11:34 - 6.02.2024
6 fevral, Fineko/abc.az. Rusiyanın Türkiyədə təklif etdiyi qaz mərkəzi layihəsinin yol xəritəsi Rusiya prezidenti Vladimir Putinin planlaşdırılan səfəri zamanı müzakirə olunacaq.
ABC.AZ xəbər verir ki, Türkiyədə qaz mərkəzi haqqında ilk dəfə 2022-ci ilin oktyabr ayında danışılmışdır. Sonra - "Şimal axınları"ndakı terror aktından iki həftə sonra Putin Rusiya qazının itirilmiş tranzit həcmini Qara dəniz bölgəsinə köçürmək fikrini irəli sürdü. Onun sözlərinə görə, Türkiyədə digər ölkələrə, ilk növbədə Avropaya tədarük üçün, həmçinin qaz qiymətlərinin müəyyən edilməsi üçün meydança olacaq qaz mərkəzi yaratmaq mümkündür.
