14:12 - 21.06.2023

---

21 iyun, Fineko/abc.az. 2023-cü ilin yanvar-may aylarında Azərbaycanda pərakəndə ticarət məntəqələrində toxuculuq məhsulları, geyim və ayaqqabılara 2 milyard 647,4 milyon manat vəsait xərclənib.

ABC.AZ Dövlət Statistika Komitəsinin məlumatı əsasında aparılan hesabata əsasən, bu göstərici ötən ilin müvafiq dövrü ilə müqayisədə 15% və ya 346.2 milyon manat çoxdur.

Qeyd edək ki, cari ilin may ayında pərakəndə ticarət məntəqələrində toxuculuq məhsulları, geyim və ayaqqabılara xərclənən vəsaitin həcmi isə 508.3 milyon manata bərabər olub.

Xatırladaq ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 12.7%-i toxuculuq məhsullarına, geyim və ayaqqabıların alınmasına sərf olunub. Bu, ötən ilin eyni dövrünün göstəricisindən 0,3 faiz bəndi azdır.