11:39 - 4.06.2026

---

4 iyun, Fineko/abc.az. "TikTok" sosial şəbəkəsinin sahibi olan "ByteDance" şirkətinin qurucu ortağı Canq Yiminq  sərvətini kəskin şəkildə artıraraq Asiyanın ən zəngin ikinci şəxsi statusuna yüksəlib.

ABC.AZ xəbər verir ki, bu barədə "Bloomberg Milyarderlər İndeksi"  məlumat yayıb.

Məlumata görə, "ByteDance"ın bazar dəyərinin artması və şirkətin süni intellekt sahəsindəki uğurları sayəsində C.Yiminqin sərvəti 92,8 milyard dollara çatıb. Bununla da o, hindistanlı milyarder Mukeş Ambanini geridə qoyaraq həm regionda ikinci pilləyə yüksəlib, həm də Çinin ən zəngin insanı unvanını qoruyub. Müqayisə üçün qeyd edək ki, "Bloomberg" 2019-cu ilin martında onun sərvətini izləməyə başlayanda bu rəqəm 13 milyard dollar idi (təxminən 7 dəfə artım).

Milyarderin yüksəlişinə təsir edən əsas amillər:

Süni intellekt uğuru: "ByteDance" tərəfindən yaradılan və aylıq 300 milyondan çox aktiv istifadəçiyə çatan "Doubao" çat-botu Çinin ən populyar süni intellekt tətbiqinə çevrilib.

ABŞ-dakı dəyişikliklər: Şirkət cari ilin əvvəlində ABŞ-dakı fəaliyyətinin bir hissəsini amerikalı investorlara təhvil verib.

Regionun ən zənginləri siyahısında son vəziyyət:

Qautam Adani (Hindistan) — 117,4 milyard dollar sərvətlə Asiyanın ən zəngin şəxsi olaraq qalır.

Canq Yiminq (Çin) — 92,8 milyard dollar (Asiyada 2-ci, Çində 1-ci).

Mukeş Ambani (Hindistan) — Sərvəti 86,9 milyard dollara geriləyərək Asiyada 3-cü pilləyə düşüb.