17:31 - 18.09.2026

---

18 sentyabr, Fineko/abc.az. Borcların idarə edilməsi və yığılması sahəsində fəaliyyət göstərən “KollektA” ASC Bakı Fond Birjasında 2 milyon manat həcmində istiqraz yerləşdirərək borclanma həyata keçirib. Sentyabrın 18-də yekunlaşan hərrac çərçivəsində nominal dəyəri 100 manat olan 20 min ədəd istiqrazın hamısı tam satılıb.

Əməliyyat zamanı 53 investor tərəfindən 54 sifariş qeydə alınıb və anderrayter funksiyasını “Troni İnvestisiya Şirkəti” QSC yerinə yetirib.

Bakı Fond Birjasının Standart Bazar Listinq seqmentinə daxil edilən bu istiqrazların tədavül müddəti 18 ay, illik kupon faizi isə 16% təşkil edir. Müəyyən olunmuş şərtlərə əsasən, faiz ödənişləri hər 30 gündən bir investorlara ödəniləcək.