10:52 - 26.02.2026

---

26 fevral, Fineko/abc.az. Beynəlxalq Valyuta Fondunun (BVF) hesabatına əsasən, ABŞ-ın hazırkı büdcə kəsirinin 7–8% səviyyəsində qalması 2031-ci ilə qədər dövlət borcunun ÜDM-in 140%-nə qədər yüksəlməsinə səbəb olacaq.

ABC.AZ xəbər verir ki, Fondun ekspertləri bu cür dinamikanın nəinki ABŞ iqtisadiyyatına, həm də bütün dünya maliyyə sisteminin sabitliyinə təhlükə yaratdığını vurğulayırlar.

Böhranın qarşısını almaq üçün BVF Vaşinqtonu büdcə intizamının möhkəmləndirilməsi üzrə aydın plan hazırlamağa çağırır. Vəziyyət investorların addımları ilə daha da mürəkkəbləşir: hakimiyyətin proqnozlaşdırıla bilməyən siyasəti və bazarın təhlükəsizliyi ilə bağlı narahatlıqlar fonunda kapital axını artır, investorlar isə getdikcə daha çox "Amerikanı sat" (Sell America) strategiyasına əl atırlar.