12:27 - 11.04.2025

---

11 aprel, Fineko/abc.az. Vyetnam, əcnəbilərin ölkədə 5 ilə 10 il qalmasına imkan verəcək "Qızıl viza" işə salmağı planlaşdırır.

ABC.AZ xəbər verir ki, hal-hazırda respublika əsasən qısamüddətli vizalar təklif edir.

"Qızıl viza" 10 ilə qədər ərazidə yaşamaq, asan yenilənmə və Asiyanın ən cəlbedici ölkələrindən birində yaşamaq, işləmək və ya təqaüdə çıxmaq imkanı təmin edir.

Təsdiqləndiyi halda, "qızıl viza" xarici investorlara və sahibkarlara, ixtisaslı mütəxəssislərə və İT istedadlarına, yüksək xərcli turistlərə və "rəqəmsal köçərilərə", təqaüdçülərə təqdim ediləcəkdir.

Təşəbbüsün məqsədi turizmi stimullaşdırmaq, xarici kapital cəlb etmək və Vyetnamın Cənub-Şərqi Asiyada yaşamaq üçün rahat bir yer kimi qlobal imicini artırmaqdır.