12:10 - 16.11.2024
16 noyabr, Fineko/abc.az. Mərkəzi Bank “MJ Financial Services” və “Para” ASC-lər, eləcə də “Azpul” MMC bank olmayan kredit təşkilatlarının vəzifəli şəxslərini cərimə edib.
ABC.AZ xəbər verir ki, “Bank olmayan kredit təşkilatları haqqında” qanunun 22.1-ci maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması səbəbilə İnzibati Xətalar Məcəlləsinin 440.1-ci maddəsinə müvafiq olaraq “MJ Financial Services”in vəzifəli şəxsi 1 500 manat, “Para”nın vəzifəli şəxsi 2 000 manat, “Azpul”un vəzifəli şəxsi isə 6 000 manat cərimələnib.
