16:10 - 30.08.2024

---

30 avqust, Fineko/abc.az. İranın milli cənub Neft Şirkəti (NISOC) neft yataqlarında neft hasilatının artırılması və saxlanılması üzrə hədəfinin 65%-ni yerinə yetirməyə nail olub.

ABC.AZ xəbər verir ki, bu barədə şirkətin nümayəndəsi bildirib.

Hələ 2023-cü ilin sentyabrında NISOC rəhbəri Alireza Daneşi, şirkətinin növbəti beş il ərzində nəzarəti altında olan neft yataqlarında hasilatı gündə 3,27 milyon barelə qədər artırmağı planlaşdırdığını demişdi.

Mətbuat konfransında danışan Alizera Daneşi, şirkətin bölgədəki neft-kimya kompleksləri üçün davamlı xammal tədarükünü təmin etmək üçün 16 qaz anbarını da inkişaf etdirməyi planlaşdırdığını söylədi.

“Səmt neft qazının təxminən 80%-i hazırda NISOC-un nəzarəti altında əyalətlərdə toplanır, 20%-i isə boşa çıxır, bunun üçün yeni layihələr müəyyən edilmişdir", - deyə o bildirib.

İran Milli Şirkəti “South Oilfields Company”, İran Neft Nazirliyinin rəhbərliyi altında olan dövlət şirkətidir və İran Milli Neft Şirkətinin (NIOC) törəmə şirkəti kimi fəaliyyət göstərir.