12:00 - 26.07.2024

---

26 iyul, Fineko/abc.az. İyulun 26-da Xırdalan şəhərinin və Masazır qəsəbəsinin bəzi hissəsinin qaz təchizatında fasilə yaranacaq.

ABC.AZ “Azəriqaz” İstehsalat Birliyinə istinadən xəbər verir ki, “Qaz İxrac” İdarəsinə məxsus “Masazır yüksək təzyiqli” qazpaylayıcı stansiyasında (QPS) təmir işləri görüləcək.

Bu səbəbdən iyulun 26-da saat 10:00-dan “Masazır” QPS-dən qidalanan “Masazır Qəsəbəsi(Masazır QPS)”, “Duz Zavodu (Masazır QPS)” və “Azpetrol LTD” MMC-yə məxsus ölçü qovşaqlarından qaz təchizatının dayandırılması planlaşdırılır.

Təmir müddətində Abşeron rayonunun Masazır qəsəbəsi, yeni yaşayış massivi və Xırdalan şəhəri, AAF Park Yaşayış kompleksinin bir hissəsinin qaz təchizatında müvəqqəti fasilə yaranacaq.

Qeyd edək ki, artıq İB-in belə məlumatları demək olar ki, hər gün paylaşılır. Bu isə o deməkdir ki, hər gün müxtəlif ərazilərdə qaz təchizatı dayandırılır. Bu isə haqlı olaraq insanların narazılığına səbəb olur.

Qurum bunu qaz təchizatının yaxşılaşıdırılması üçün etdiklərini açıqlasa da, eyni ərazilərdə yaxın tarixlərdə təmir işlərinin aparılması da absurd görsənir.

 

Müəllif: Elmir Murad