08:59 - 18.08.2026

---

18 avqust, Fineko/abc.az. İranın sülh danışıqlarının nəticəsiz qalacağı təqdirdə hücum mövqeyinə keçəcəyini bəyan etməsi və ABŞ-ın müvəqqəti atəşkəsin uzadılmasını gündəmdən çıxarması neft bazarında tədarük narahatlığını artırıb. Nəticədə Brent markalı neftin fyuçersləri 0,3% bahalaşaraq bir barel üçün 91,14 dollara, ABŞ-ın WTI nefti isə 42 sent artaraq 85,04 dollara yüksəlib.

Hürmüz və Bab əl-Məndəb boğazlarında dəniz daşımalarının kəskin azalması, o cümlədən Yəmən husilərinin Qırmızı dənizdə hərbi gəmilərə fırlatdığı raket zərbələri riskləri daha da dərinləşdirir. Digər tərəfdən, ABŞ administrasiyasının İran İnqilabı Keşikçiləri Korpusu ilə pərdəarxası danışıqlara başladığına dair xəbərlər gərginliyin azaldılması baxımından zəif də olsa ümid yaratmaqdadır.