11:15 - 3.08.2026

---

3 avqust, Fineko/abc.az. Bakı Fond Birjasının (BFB) Listinq Komitəsinin qərarı ilə "Kapital Bank" ASC-nin ümumi dəyəri 50 milyon manat olan istiqrazlarının yerləşdirilməsi 5 avqust 2026-cı il tarixində keçiriləcəkdir.

Faizli, təmin edilməmiş və sənədsiz formadakı bu istiqrazların abunə yazılışı 3 iyul – 1 avqust tarixləri arasında həyata keçirilib. Emissiya çərçivəsində hər birinin nominal qiyməti 100 manat olan 500 000 ədəd istiqraz tədavülə buraxılır.

İstiqrazların əsas şərtləri:

• İllik gəlirlilik: 10%

• Ödəniş periodu: Hər 30 təqvim günündən bir

• Tədavül müddəti: 1 il

• Anderrayter: "PAŞA Kapital İ.Ş." QSC

• İSİN kodu: AZ2018005150

İstiqrazların emissiya prospekti ilə BFB-nin rəsmi internet səhifəsindəki "Emitentin profili" bölməsindən tanış olmaq mümkündür.