19:20 - 24.06.2026

---

24 iyun, Fineko/abc.az. 23 iyun tarixində ABŞ administrasiyası Kubanın beş şirkətinə qarşı sanksiyalar tətbiq edib.

ABC.AZ xəbər verir ki, bu barədə ABŞ dövlət katibi Marko Rubio məlumat verib.

Sanksiyalar logistika, maliyyə, mədənçıxarma və sənaye sahələrində fəaliyyət göstərən, o cümlədən banklar və metallurgiya şirkətini əhatə edir. Bu qurumların GAESA konqlomeratı ilə əlaqəli olduğu bildirilir.

ABŞ hakimiyyəti bu şirkətlərlə əməkdaşlıq edən xarici bank və şirkətlərin də sanksiyalara məruz qala biləcəyi barədə xəbərdarlıq edib və Kubanın iqtisadi sisteminə təzyiqin davam edəcəyini bəyan edib.