12:20 - 24.06.2026

---

24 iyun, Fineko/abc.az. Azərbaycan Mərkəzi Bankı (AMB) ilin qalan dövründə bank sektorunda izafi likvidliyin daha da artacağını proqnozlaşdırır.

ABC.AZ tənzimləyiciyə istinadən xəbər verir ki, təminatsız pul bazarında qısamüddətli faizlər uçot dərəcəsinə (6,5%) yaxın səviyyədə formalaşır.

Belə ki, AZIR (Azerbaijan Interbank Rate) dərəcəsi üzrə orta günlük göstərici 2026-cı ilin mart ayının sonundan başlayaraq 6.43-6.44% intervalında olub.

AMB izafi likvidlik şəraitində AZIR dərəcəsini idarə etmək üçün əsasən 7 günlük depozit əməliyyatlarından istifadə edir.

May ayının sonuna sterilizasiya portfelində bu əməliyyatların payı 88,7% təşkil edib. Bununla yanaşı, may və iyun aylarında keçirilən hərraclarda bütün müddətlər üzrə AMB notlarının gəlirliliyində azalma meyili müşahidə olunub.