23:00 - 8.06.2026

---

8 iyun, Fineko/abc.az. Türkiyə Cümhuriyyəti Mərkəzi Bankının (TCMB) açıqladığı məlumatlara əsasən, 2026-cı ilin birinci rübündə ölkənin ümumi ümumi (brüt) xarici borc stoku əvvəlki rüblə müqayisədə 0,4% azalaraq 518,5 milyard dollara geriləyib.

ABC.AZ xəbər verir ki, hesabat dövründə qısamüddətli xarici borclar 0,5% azalaraq 166,6 milyard dollar, uzunmüddətli xarici borclar isə 0,3% azalaraq 351,9 milyard dollar təşkil edib.

Sektorlar üzrə borc bölgüsü:

• Dövlət sektoru: 3,3% azalaraq 192,2 milyard dollar;

• Özəl sektor: 1,8% artaraq 302,1 milyard dollar;

• Mərkəzi Bankın öhdəlikləri: 2,9% azalaraq 24,3 milyard dollar.

Valyuta strukturu və ödənişlər: Xarici borcun 48,7%-i ABŞ dolları, 29,5%-i avro, 11,7%-i türk lirəsi (TL) və 10,2%-i digər valyutaların payına düşüb. Ödəniş qrafikinə görə, əsas borc qaytarmaları 24 ay və daha yuxarı müddətlərdə cəmləşib. 0–12 aylıq qısamüddətli dövrdə isə ödənişlərin böyük hissəsi özəl sektorun kreditlərindən qaynaqlanır.