16:00 - 26.08.2026

---

26 avqust, Fineko/abc.az. Yaponiyanın "SoftBank" holdinqi ABŞ-ın texnologiya nəhəngi "OpenAI" şirkətinə etdiyi investisiya kreditinin maliyyələşdirilməsi məqsədilə 10 milyard dollar ilə 20 milyard dollar arasında potensial istiqraz buraxılışı üçün investisiya bankları ilə danışıqlar aparır.

Mənbələrin verdiyi məlumata görə, istiqrazlar dollar və avro valyutasında təklif oluna bilər və buraxılışın ən tez sentyabr ayında gerçəkləşməsi gözlənilir.

Əldə olunacaq vəsaitin bir hissəsi "OpenAI" investisiyası üçün bu ilin əvvəlində cəlb edilmiş 40 milyard dollarlıq keçid kreditinin qaytarılmasına yönəldiləcək. Milyarder Masayosi Son tərəfindən idarə olunan "SoftBank" oktyabr ayınadək "OpenAI" şirkətinə 65 milyard dollara yaxın sərmayə qoymağı planlaşdırır.

Holdinq son 10 ildə ilk dəfə istiqrazların ABŞ institusional investorlarına satışına imkan verən "144A" formatını qiymətləndirir ki, bu da şirkətin daha geniş kapital imkanlarına çıxışını təmin edə bilər.