19:45 - 25.05.2026
25 may, Fineko/abc.az. Polşada avtomobil yükdaşıma sektoru dərin böhran yaşayır, bu isə nəqliyyat şirkətlərinin iflas sayının artması ilə təsdiqlənir.
ABC.AZ xəbər verir ki, Rzeczpospolita qəzetinin məlumatına görə, yalnız bu ilin ilk rübündə ölkədə 1234 nəqliyyat şirkəti müflis olub — bu, demək olar ki, 2025-ci ilin ümumi göstəricisinə bərabərdir.
Böhranın əsas səbəbi kimi Yaxın Şərqdəki vəziyyət fonunda dizel yanacağının təxminən 40% bahalaşması göstərilir. Bundan əlavə, Polşada yeni ödənişli yolların istifadəyə verilməsi və Avstriya, Almaniya və Çexiyada nəqliyyat xərclərinin artması da vəziyyəti ağırlaşdırır.
Qəzet bazarda vəziyyətin daha da pisləşəcəyini proqnozlaşdırır.
