15:33 - 23.01.2026

---

23 yanvar, Fineko/abc.az. Dövlət Vergi Xidməti qeyri-yaşayış sahələrinin icarəsi ilə bağlı müqavilə bağlayıb.

ABC.AZ xəbər verir ki, Azərbaycan Respublikasının İqtisadiyyat Nazirliyi yanında Dövlət Vergi Xidməti “Faktor Qrup-S-1” QSC ilə qeyri-yaşayış sahələrinin icarəyə götürülməsi barədə razılığa gəlib.

İcarəyə götürülən obyektlər Bakı şəhəri, Nizami rayonu, Heydər Əliyev prospektində yerləşir.

Ünvanlardan biri 181 A nömrəli binada yerləşən və ümumi sahəsi 6 700 kvadratmetr, digəri isə 189 C ünvanında yerləşən, ümumi sahəsi 175 kvadratmetr olan qeyri-yaşayış sahəsidir.

Müqavilənin ümumi məbləği 1 496 760 manat təşkil edir.