10:56 - 29.10.2026

---

29 oktyabr, Fineko/abcnews. Azərbaycan  Mərkəzi Bankının (AMB) oktyabr proqnozlarına əsasən, illik inflyasiya hədəf diapazonu (4±2%) daxilində qalmaqla həm 2026-cı, həm də 2027-ci ilin sonunda 5,9% səviyyəsində gözlənilir.

İyul proqnozu ilə müqayisədə 2026-cı il üzrə gözlənti 0,2 faiz bəndi aşağı, 2027-ci il üzrə isə 0,1 faiz bəndi yuxarı dəyişdirilib.

Məlumatda qeyd olunur ki, 2026-cı ilin sentyabrında 12 aylıq inflyasiya 5,5% (baza inflyasiya 4,9%) təşkil edib. İllik qiymət artımı qida, spirtli içki və tütün üzrə 6,9%, xidmətlərdə 5,1%, qeyri-qida məhsullarında isə 3,6% olub.

AMB inflyasiya risklərinin əsasən xarici mühitlə — qlobal geosiyasi gərginlik fonunda enerji və ərzaq qiymətlərinin artması ilə bağlı olduğunu, daxili tələbin isə inflyasiya təzyiqi yaratmayacağını bildirir.