16:04 - 29.10.2026

---

29 Oktyabr, Fineko/abcnews. Almaniyanın avtomobil nəhəngi "Volkswagen Group" 2026-cı ilin üçüncü rübündə 5,9 milyard avro əməliyyat zərəri, yanvar-sentyabr aylarında isə 2,72 milyard avro xalis zərər açıqlayıb.

Şirkətin hesabatına əsasən, 3-cü rübdə satış gəlirləri 6,3% azalaraq 75,28 milyard avroya, qlobal avtomobil tədarükü isə 14,3% azalaraq 1,885 milyon ədədə düşüb.

Maliyyə göstəricilərinin kəskin pisləşməsinə Çin bazarındakı 38,5%-lik daralma və Porsche markası üzrə 6,4 milyard avroluq silinmələr daxil olmaqla, cəmi 7,8 milyard avroluq birdəfəlik silinmə xərcləri təsir edib.

Ötən ilin 9 ayında 3,4 milyard avro xalis mənfəət əldə edən konsern, bu ilin eyni dövrünü 2,72 milyard avro xalis zərərlə başa vurub. Qrup restrukturizasiya planı çərçivəsində Almaniyadakı 4 fabriki bağlamaq və 100 minə yaxın əməkdaşı ixtisar etməyi nəzərdən keçirir.