12:30 - 29.10.2026

---

29 oktyabr, Fineko/abcnews. Azərbaycanda fiziki şəxslərin unikal əmanətçilərinin sayında və manatla depozit portfelində kəskin artım dinamikası qeydə alınıb.

Bu barədə keçirilən mətbuat konfransında Azərbaycan Mərkəzi Bankının (AMB) sədri Taleh Kazımov bildirib.

Baş tənzimləyicinin rəhbəri vurğulayıb ki, son iki il yarım ərzində fiziki şəxslərin manatla depozitləri 89% artıb və 2021-ci illə müqayisədə iki dəfə böyüyüb:

"Əmanətçilərin sayı da iki dəfədən çox çoxalıb. 2023-cü ilin sentyabr ayının sonunda əmanətçilərin sayı 106 min təşkil edirdisə, hazırda bu rəqəm 227 minə yaxın səviyyədədir. Cari il ərzində artım 20-22% həddindədir. Xüsusilə, bu yüksəliş 100 min manatadək deyil, 30 min manatadək olan depozitlər üzrə müşahidə olunur".