17:11 - 26.11.2025

---

26 noyabr, Fineko/abc.az. Səudiyyə Ərəbistanı, Vision 2030 proqramı çərçivəsində turizmi gücləndirmək və iqtisadiyyatı şaxələndirmək üçün üç yeni aviaşirkətin işə salınması planlarını açıqlayıb.

ABC.AZ xəbər verir ki, birincisi, Air Arabia-nın rəhbərlik etdiyi konsorsium tərəfindən yaradılacaq büdcə aviaşirkəti olacaq. Dammamda işə başlayacaq və 2030-cu ilə qədər ildə 10 milyona qədər sərnişin daşıyacaq, 24 daxili və 57 beynəlxalq istiqamətdə uçuşlar həyata keçirəcək.

İkinci daşıyıcı Mədinədə yerləşəcək və zəvvarlar üçün birbaşa uçuşlar təmin edən dini turizmə xidmət edəcək.

Üçüncü aviaşirkət haqqında təfərrüatlar hələ açıqlanmayıb.

Əvvəllər kütləvi turizm üçün qapalı olan Səudiyyə Ərəbistanı 2030-cu ilə qədər 150 milyon turist, o cümlədən 50 milyon xarici turist cəlb etməyi planlaşdırır.