12:12 - 29.07.2026

---

29 iyul, Fineko/abc.az. İran bəyan edib ki, dondurulmuş İran aktivlərinin istifadəsini dəstəkləyən ölkə və şirkətlər üçün Hörmüz boğazı vasitəsilə gəmilərin keçidini məhdudlaşdıra bilər.

Məlumata görə, müvafiq xəbərdarlıq ölkənin silahlı qüvvələrinin nümayəndəsi tərəfindən Donald Trampın mümkün zərərin bu vəsaitlər hesabına kompensasiya edilməsi təşəbbüsünə cavab olaraq edilib.

Tehranda vurğulanıb ki, bu cür addımlar qeyri-dost davranış kimi qiymətləndiriləcək və cavab tədbirlərinə səbəb olacaq. Söhbət dünya neft ticarətinin əsas marşrutlarından biri olan strateji əhəmiyyətli Hörmüz boğazında gəmiçiliyin mümkün məhdudlaşdırılmasından gedir.