17:30 - 4.08.2026

---

4 avqust, Fineko/abc.az. Bu ilin birinci yarısında Azərbaycanda 2 milyon 259,94 min ton qaz kondensatı hasil edilib.

Dövlət Statistika Komitəsinin məlumatına əsasən, qaz kondensatı hasilatının həcmi ötən ilin müvafiq dövrü ilə müqayisədə 9,1% azalıb. Hesabat dövründə istehsal olunan qaz kondensatının 2 milyon 253,07 min tonu əmtəəlik məhsulun payına düşüb ki, bu da illik ifadədə 9,2%-lik azalma deməkdir.

Xatırladaq ki, 2025-ci ildə ölkədə ümumilikdə 4 milyon 911,88 min ton (-7,1%) qaz kondensatı hasil olunub ki, bunun da 4 milyon 903,5 min tonu (-7,12%) əmtəəlik məhsul təşkil edib.