Procter & Gamble yaxın iki ildə qeyri-istehsal işçilərinin 15%-ni ixtisar edəcək

14:26 - 5.06.2025

5 iyun, Fineko/abc.az. Amerikanın istehlak malları istehsalçısı Procter & Gamble yaxın iki ildə qeyri-istehsal işçilərinin 15%-ə qədərini azaltmağı planlaşdırır.

ABC.AZ xəbər verir ki, bu barədə Bloomberg yazır.

İş yerlərinin azaldılması tədbirləri məhsuldarlığın artırılmasına yönəldilmişdir. İşdən çıxarılmaların təxminən 7 min Procter & Gamble işçisinə təsir edəcəyi gözlənilir.

Şirkətin son məlumatlarına görə, onun heyətində 108 min işçi var. Beləliklə, ixtisarlar bütün işçilərin 6,5%-ni əhatə edəcək.