14:52 - 14.09.2026

---

14 sentyabr, Fineko/abc.az. “Həsən Holding” MMC 2025-ci ilin maliyyə nəticələrini açıqlayıb. Şirkətin gəlirləri 14.4% azalaraq 3 milyon manata düşüb, xalis mənfəəti isə ötən illə müqayisədə 33.3% kiçilərək 122.7 min manat təşkil edib.

Mənfəətin azalmasına əsasən ümumi və inzibati xərclərin 53.7% artaraq 917.8 min manata çatması təsir edib.

Buna baxmayaraq, şirkətin satış maya dəyəri 28.2% azaldığı üçün ümumi mənfəət 30.4% artaraq 1.1 milyon manata yüksəlib. Şirkətin balansındakı bölüşdürülməmiş mənfəət isə 26.2% artaraq 643 min manata çatıb.