10:09 - 21.09.2026

---

21 Sentyabr, Fineko/abc.az. Qızılın qiyməti investorların davamlı inflyasiya risklərini və ABŞ Federal Ehtiyat Sisteminin (Fed) pul-kredit siyasətini dəyərləndirməsi fonunda eniş nümayiş etdirib. Spot qızılın bir unsiyasının qiyməti 0,3% azalaraq 4 366,64 dollara (7 423,29 AZN) düşüb, gün ərzində isə 4 360 dollardan aşağı səviyyələri görüb.

Sərfiyyat və xammal qiymətlərindəki artım fonunda Fed keçən həftə uçot dərəcəsini 25 baz bəndi artıraraq sərtləşdirmə addımı atıb. İnvestorlar Fed sədri Kevin Uorşun  müstəqil qərar qəbul etməsini və faiz artımını müsbət qarşılasalar da, Minneapolis Fed sədri Nil Kaşkari inflyasiya təzyiqlərinin yalnız neftlə məhdudlaşmadığını bildirib.

Eyni zamanda, gümüşün qiyməti 0,2% artaraq 66,42 dollara yüksəlib, Brent markalı neft isə diplomatik təmaslar fonunda 100 dollar/barel səviyyəsinin üzərində qalıb.