10:20 - 30.08.2024

---

30 avqust, Fineko/abc.az. Telegram messencerinin həmtəsisçisi Pavel Durovun Fransada həbs edilməsi, ona qarşı ittihamlar şirkətin uğurlu IPO planlarına zərbə vurur, qiymətli kağız sahibləri üçün böyük itkilərə çevrilir.

ABC.AZ xəbər verir ki, bu barədə Financial Times (FT) qəzeti məlumat yayıb.

Nəşrin məlumatına görə, 2023-cü ildə şirkətin itkiləri 108 mln dollar olduğu halda, gəlirləri 342 mln dollara çatmışdı. 2023-cü ildə vergilərdən sonra Telegramın ümumi itkiləri təxminən 173 milyon dollar təşkil etmişdi.

2024-cü ildə şirkət Toncoin-in yerli sikkələrini təxminən 244 milyon dollar nağd şəkildə satılmışdı, FT maliyyə sənədlərinə istinadən xəbər verir. Kriptavalyuta Toncoin ilk olaraq Telegram komandası tərəfindən hazırlanmışdır.

Telegram milyardlarla dollarlıq kriptovalyuta sərvətinə sahib olan Durova 100% məxsusdur, şirkət həmçinin 2026-cı ildə ödəmə müddəti ilə təxminən 2,4 milyard dollar borc maliyyələşdirməsi cəlb etmişdir. Bu məbləğə 2021-ci ildə 1 milyard dollarlıq istiqrazların yerləşdirilməsi daxildir. İnvestorlar arasında Abu Dabinin suveren fondları da var.

Telegram istiqrazlarının qiyməti təxminən 10 b. azalaraq 1 dollara təxminən 87 sentə düşdü ki, bu da Durovun həbsindən əvvəl təxminən 96 sentlə müqayisədə, 16%-dən çox gəlirə bərabərdir.

Bundan əvvəl FT, Durovun sözlərinə görə, potensial investorlar tərəfindən 30 milyard dollardan çox qiymətləndirilən Telegramın yaxın iki ildə, ehtimal ki, ABŞ-da IPO-ya çıxmaq niyyətini açıqlamışdı.