11:46 - 20.08.2024

---

20 avqust, Fineko/abc.az. AFR-dən avadanlıqların tədarükü ilə bağlı problemlər Türkiyənin 29 oktyabr 2024-cü il tarixinə planlaşdırılan "Akkuyu" AES-in enerji blokunun işə salınması planlarını təxirə sala bilər.

ABC.AZ xəbər verir ki, bunu Türkiyə Energetika Nazirliyinin rəhbəri Alparslan Bayraktar deyib.

Daha əvvəl bildirilirdi ki, atom stansiyasının ilk enerji blokunun Milli bayramda – Türkiyə Cümhuriyyəti Günündə istifadəyə verilməsi planlaşdırılırdı. Lakin, Ankara, xüsusən “Siemens” şirkəti ilə avadanlıq təchizatı ilə bağlı problemlər yaşadı.

Bayraktarın sözlərinə görə, AES Almaniya avadanlığı olmadan da istismara verilə bilər, çünki “Siemens”dən başqa da lazımi komponentləri hazırlayan istehsalçılar var. Ancaq tədarükçünün dəyişdirilməsi vaxt tələb edir və hazırda ölkə bu yolla gedir.