09:34 - 1.04.2024

---

1 aprel, Fineko/abc.az. Neftin etalon markalarının qiyməti birinci rübün sonunda artdıqdan sonra bazar ertəsi hərracda artmağa davam edir.

Brent markalı neftin iyun fyuçerslərinin qiyməti London ICE Futures birjasında saat 09:27-ə qədər $0,28 (0,32%) artaraq bir barel üçün $87,28-a yüksəldi. Martın 28-də keçirilən hərracların nəticələrinə görə, Brent markalı neftin iyun fyuçersləri $1,59 (1,86%) artaraq bir barel üçün $87,00-a çatıb.

Nyu-York əmtəə birjasının (NYMEX) elektron ticarətində WTI neftinin may fyuçerslərinin qiyməti saat 09:27-ə qədər $0,30 (0,36%) artaraq bir barel üçün $83,47-a çatıb. Martın 28-də aparılan hərracların nəticələrinə görə, WTI neftinin may fyuçerslərinin qiyməti $1,82 (2,24%) artaraq bir barel üçün $83,17-a çatıb.

Mart ayında Brent markalı neft 4,6%, WTI nefti isə 6,3% bahalaşıb. I rübdə qiymətlər 13,6% və 16,1% artıb.