15:48 - 26.07.2019

---

26 iyul, Fineko/abc.az. Azərbaycan Mərkəzi Bankı (AMB) iyulun 26-dan uçot dərəcəsini endirib.

AMB-nin məlumatında deyilir ki, son aylarda neftin qiymətinin sabitlərşməsi, aşağı inflyasiya və sabit makroiqtisadi vəziyyət faiz dərəcəsinin 8,5%-dən 8,25%-ə qədər azaldılmasına şərait yaradıb.

Bu qərar iyulun 26-dan qüvvəyə minib.

"Faiz dəhlizinin aşağı həddi 6,5% - dən 6,25% - ə, yuxarı həddi 10,5% - dən 10,25% - ə endirilib", - deyə məlumatda bildirilir.

Məlumatda qeyd olunur ki, uçot dərəcəsi məsələsinə baxılacaq növbəti iclas sentyabrın 13-də keçiriləcək.

Bu, AMB-nin uçot dərəcəsinin 2019-cu ildə beşinci endirilməsidir. Xəbər verildiyi kimi, 1 fevral 2019-cu ildə AMB uçot dərəcəsini 9,75% - dən 9,25% – ə, mart 15-də - 9,25% - dən 9% - ə, aprelin 26-da - 9%-dən 8,75%-ə,  iyunun 7-də - 8,5% - ə endirib.

2018-ci il ərzində faiz dərəcəsi mərhələli şəkildə 15%-dən 9,75%-ə endirilib.

AMB 12 fevral 2018-ci il tarixində uçot dərəcəsini 15% - dən 13% - ə endirib. 9 aprel 2018-ci il tarixində dərəcəsi 13% - dən 11% - ə endirildi. 14 İyun 2018-ci il tarixində faiz dərəcəsi 11% - dən 10% - ə endirildi. 1 avqust 2018-ci il tarixində bank faiz dərəcəsini 10% səviyyəsində saxlamağa qərar verib. 30 oktyabr 2018-ci il dərəcəsi 10% - dən 9,75% - ə endirildi. 26 dekabr 2018-ci il tarixində AMB-nin İdarə Heyəti dərəcənin 9,75% səviyyəsində saxlanılması barədə qərar qəbul edib.