14:50 - 30.10.2026

---

30 oktyabr, Fineko/abc.az. 2026-cı ilin sentyabr ayının sonuna olan məlumata görə, ölkədə bank müştərilərinin və müştəri hesablarının sayında həm aylıq, həm də illik müqayisədə artım qeydə alınıb.

Bu barədə Azərbaycan Mərkəzi Bankının dərc etdiyi statistik göstəricilərdə qeyd edilib. 2026-cı ilin avqust ayının sonuna olan 16 896 325 nəfərlik göstərici sentyabr ayının sonunda 17 064 031 nəfərə çatıb. Bu da bir ay ərzində bank müştərilərinin sayının 167 min 706 nəfər (təxminən 1%) artması deməkdir.

Ötən ilin müvafiq dövrü ilə (2025-ci ilin sentyabr sonu: 15 973 215 nəfər) müqayisədə isə bank müştərilərinin sayı 1 090 816 nəfər və ya 6,8% artıb.

Banklarda açılmış müştəri hesablarının ümumi sayı avqust ayındakı 61 678 691 ədəddən sentyabr ayının sonunda 62 864 602 ədədə yüksəlib. Beləliklə, hesabların sayında son bir ayda 1 185 911 ədəd (təxminən 1,9%) artım baş verib.