15:26 - 11.08.2026

---

11 avqust, Fineko/abc.az. ABŞ Prezidenti Donald Trampın İrana qarşı yeni tələblərini bəyan etməsindən sonra London Metal Birjasında (LME) alüminiumun fyuçers qiymətləri 1%-dək artaraq iyunun 23-dən bəri ən yüksək səviyyəyə çatıb.

Sülh danışıqlarının uzanması və ABŞ-nin faiz artımı gözləntilərinin zəifləməsi fonunda alüminium iyunun sonundan bəri 8%-dən çox bahalaşıb. Şanxay birjasında alüminiumun tonu 0,6% artaraq 3 337 dollardan təklif olunub.

Bazardakı əsas risklər və faktolar:

• Qlobal ehtiyatlar minimuma düşüb: LME anbarlarındakı alüminium ehtiyatları kəskin azalaraq 250 min ton civarına enib ki, bu da 1990-cı ilin noyabrından bəri ən aşağı göstəricidir.

• Təklif qıtlığı təhlükəsi: Avropanın aparıcı alüminium istehsalçısı "Norsk Hydro" xəbərdarlıq edib ki, Hörmüz boğazında ticarət normallaşmazsa, qlobal alüminium çatışmazlığı illik 900 min tonu ötə bilər.