12:14 - 29.12.2025

---

29 dekabr, Fineko/abc.az. Bazar ertəsi, 29 dekabr tarixində, gümüşün qiyməti tarixdə ilk dəfə olaraq 82 ABŞ dollarını keçib.

ABC.AZ xəbər verir ki, Bakı vaxtı ilə saat 10:15-ə olan vəziyyətə görə, birja qiyməti təxminən 78 ABŞ dollarıdır.

Bloomberg-in məlumatına görə, bu gün gümüşün qiymətinin kəskin artmasına amerikalı milyarder İlon Maskın Çin ixrac məhdudiyyətləri ilə bağlı şərhi səbəb olub. Mask bildirib: «Bu yaxşı deyil. Gümüş bir çox sənaye prosesləri üçün vacibdir».

Bundan əlavə, gümüşün qiymətinin artımını sürətləndirən digər faktorlar spekulyativ alışlar və tələb-təklif balansının pozulmasıdır.

Eyni zamanda, qızılın qiyməti də 4500 ABŞ dollarının üzərində ticarət olunur. İlin əvvəlindən bu qiymətli metalın qiyməti 72% artıb.