10:56 - 11.09.2025

---

11 sentyabr, Fineko/abc.az. Dünyanın ən iri kriptovalyutası əsas rəqibləri arasında artım tempinə rəhbərlik edib.

ABC.AZ xəbər verir ki, risk iştahını isə artıq gələn həftə Federal Ehtiyat Sisteminin faiz dərəcələrini azalda biləcəyi ehtimalı gücləndirib.

Bununla belə, bazardakı optimizmin bir hissəsi avqust ayı üzrə istehlak qiymətləri indeksinə dair açıqlanacaq mühüm göstəricilərin gözlənilməsi ilə azalır. Proqnozlara görə, ABŞ prezidenti Donald Trampın ticarət tariflərinin qüvvəyə minməsindən sonra qiymətlərin artımı qeydə alına bilər.

Bitkoin 2,3% artaraq Bakı vaxtı ilə saat 10:19-da 114 076,8 dollara yüksəlib. Kriptovalyuta hələ də avqustun ortalarında qeydə alınmış rekord maksimumlardan sonra baş verən kəskin enişin təsirlərindən bərpa olunur.