17:28 - 4.09.2025

---

4 sentyabr, Fineko/abc.az. Banklar üçün üstünlüklər aydındır: qlobal səviyyədə rəqiblər Sİ-dən fəal istifadə edir və öz gəlirliliyini artırır ki, bu da geri qalanlar üçün bazar payını itirmək riski yaradır.

ABC.AZ Mərkəzi Bankın baş direktoru Şahin Mahmudzadə VIII "Astana Maliyyə Günləri" forumunun kuluarlarında bildirib.

Baş direktor xatırladıb ki, ənənəvi olaraq özəl sektor tənzimləyiciləri qabaqlayır:

"Tənzimləyicilər bununla bağlı boşluğu doldurmalı, riskləri müəyyən etməli, bu və ya digər alətləri tənzimləməli, icazə verməli və ya qadağan etməlidir. Lakin Sİ ilə bağlı sərt məhdudiyyətlər və ya qadağaların tətbiqi ehtimalı azdır, əks halda ölkənin bank sektoru regional oyunçularla müqayisədə rəqabət qabiliyyətini tez itirərdi". (© Report)