14:23 - 19.08.2025

---

19 avqust, Fineko/abc.az. Cari yanvar-iyul aylarında Azərbaycanda külək elektrik stansiyalarında (KES) 27,5 milyon kVt-saat elektrik enerjisi istehsal edilib.

Dövlət Statistika Komitəsindən ABC.AZ-a verilən məlumata  görə, bu, ötən ilin eyni dövrü ilə müqayisədə 6,3 milyon kVt-saat və ya 18,6% azdır.

Eyni zamanda, hesabat dövründə ölkədə günəş elektrik stansiyalarında 334,2 milyon kVt-saat elektrik enerjisi istehsal edilib ki, bu da ötən ili ilk yeddi ayındakı göstərici ilə müqayisədə 38,7 milyon kVt-saat və yaxud 13,1% artım deməkdir.

Qeyd edək ki, Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 2025-сi ilin yanvar-iyul aylarında 1995,4 milyon manat dəyərində məhsul istehsal olunub və xidmətlər göstərilib.

Su təchizatı, tullantıların təmizlənməsi və emalı sektorunda istehsal edilmiş məhsulların həcmi 370,9 milyon manat təşkil edib.