11:40 - 22.04.2025

---

22 aprel, Fineko/abc.az. Çin Milli Dəniz Neft Korporasiyası (China National Offshore Oil Corporation, CNOOC) Abu Dabi Milli Neft Şirkəti (Abu Dhabi National Oil Company, ADNOC) ilə mayeləşdirilmiş təbii qazın (LNG) alınması haqqında uzunmüddətli müqavilə bağlayıb.

ABC.AZ xəbər verir ki, bu barədə Reuters agentliyi aprelin 21-də mənbələrə istinadən məlumat verib.

Bu, Yaxın Şərq enerji ixracatçısının keçən həftə sonu Çinli alıcılarla imzaladığı 3-cü tədarük müqaviləsidir.

Agentliyin məlumatına görə, daha öncə Çinin özəl şirkəti ENN Natural Gas və Dövlət Enerji treyderi Zhenhua Oil ADNOC-dan LNG tədarükü haqqında müddətli müqavilələr imzalamışdılar.

ABŞ ilə tarif müharibəsi Çinli alıcıları ABŞ-dan mal satmağa və yeni tədarük sövdələşmələrinə sövq etdi, çünki qarşılıqlı tariflər idxalın dəyərini artırır.

Kepler və LSEG-ə görə, Çin 2025-ci ilin mart ayında Amerika LNG idxal etməyib.

Çin gömrüyünün məlumatına görə, keçən il ABŞ-ın payına Çin LNG-nin təxminən 5%-i düşmüşdür.