12:21 - 28.10.2024

---

28 oktyabr, Fineko/abc.az. “Apple”in ölkəyə verdiyi investisiya vədlərini yerinə yetirmədiyi üçün İndoneziyada “iPhone 16” seriyasının satışı və istifadəsi qadağan edilib.

ABC.AZ xarici mətbuata istinadən xəbər verir ki, Sənaye Nazirliyi oktyabrın əvvəlində bildirmişdi ki, “Apple” İndoneziyaya cəmi 1,5 trilyon rupi (95 milyon dollar) sərmayə qoyub ki, bu da 1,7 trilyon rupi öhdəliyindən aşağıdır.

“Apple” İndoneziyada ən yaxşı 6 smartfon markasından kənarda olsa da, ölkənin inkişaf potensialı var. Belə ki, 1 trilyon dollarlıq ölkə iqtisadiyyatında 350 milyondan çox aktiv mobil telefon var. Hökumətin məlumatına görə, bu, ölkənin 270 milyon əhalisindən xeyli çoxdur.