12:31 - 12.01.2021

---

12 yanvar, Fineko/abc.az. Azərbaycanda İran ticarət evinin yaradılması nəzərdə tutulur.

Azərbaycan Sahibkarlar Konfederasiyasından (ASK) ABC.AZ-a daxil olan məlumata görə, bunu İranın Azərbaycandakı səfiri Seyid Abbas Musəvi ASK prezidenti Məmməd Musayevlə görüşü zamanı deyib.

O, qeyd edib ki, bu istiqamətdə, həmçinin İran-Azərbaycan Müştərək Ticarət Palatasının fəaliyyətinin daha səmərəli şəkildə qurulması üçün səylərini artıracaq.

Səfirin sözlərinə görə, İran sahibkarları Azərbaycanla əlaqələr qurmaqda çox maraqlı olduqlarını bildiriblər.