10:35 - 19.02.2018
19 fevral, Fineko/abc.az. “Metrovaqonmaş” ASC (“Transmaşholdinq” QSC-in tərkibinə daxildir) və “Bakı metropoliteni” QSC Azərbaycanın paytaxtına 81-765/766 modeldə iki beşvaqonlu qatarın tədarükünə dair müqavilə bağladılar.
“Metrovaqonmaş”ın məlumatında deyildiyi kimi, müqavilə, “Metrovaqonmaş” ASC-in baş direktoru Boris Boqatıryov və “Bakı metropoliteni” QSC-in sədri Zaur Hüseynov tərəfindən imzalanıb.
“Bakıya yeni vaqonların tədarükü cari ilin mart ayına planlaşdırılır. Müqavilənin icrası 2018-ci ildə tamamlanmalıdır”, - məlumatda belə deyilir.
Məlumatda həmçinin deyilir ki, 81-765/766 seriyalı vaqonlar, Moskva metropoliteninin ehtiyacları üçün, 2017-ci ilin əvvəlindən Mıtişşi zavodu tərəfindən “Moskva” adı ilə buraxılır.
Bakı sifarişindən fərqli olaraq, Rusiya paytaxtına altı və səkkizvaqonlu qatarlar tədarük edilir, hər birinə isə 81-767 modelli mühərriksiz aralıq vaqonları daxildir (altıvaqonlu qatarlara – bir, səkkizvaqonlu qatarlara isə - iki vaqon).
Zavod, 1967-ci ildən etibarən Azərbaycan paytaxtına vaqonlar tədarük edir. Bakı Metropolitenində hazırda Mıtişşi zavodunun istehsalı olan 280 metro qatarı fəaliyyət göstərir.
Mıtişşi zavodunun metro qatarlarının Azərbaycana daha öncəki tədarükü 2015-ci ildə həyata keçirilmişdir. Həmin vaxt, “Metrovaqonmaş” ASC “Alstom” şirkəti ilə birgə Bakı metropoliteninə 81-760.Б/761.Б/763.Б modelli üç ədəd beşvaqonlu qatar tədarük etmişdir.
