17:21 - 29.10.2026

---

29 Oktyabr, Fineko/abcnews. Fransanın avtomobil istehsalçısı "Renault Group" (RENA.PA) 2026-cı ilin üçüncü rübündə 11,6 milyard avro ($13,0 milyard) gəlir əldə edərək analitiklərin gözləntilərini üstələyib.

Şirkətin maliyyə hesabatına əsasən, sabit valyuta məzənnəsi ilə gəlirlər 1,4% artıb. Bazar üzrə ümumi satış həcmi Çin brendlərinin rəqabəti fonunda 6% azalaraq 497 799 avtomobilə düşsə də, elektromobillərin (EV) payının 25,8%-ə yüksəlməsi gəlirlərin artmasını təmin edib. İlin əvvəlindən "Renault" brendli elektromobillərin satışı "Renault 5" və yeni "Twingo" modellərinin hesabına 75,2% artıb.

Analitiklərin proqnozlarını üstələyən göstəricilərdən sonra şirkətin Paris birjasındakı səhmləri 7,8% dəyər qazanıb. "Renault Group" cari il üçün operativ mənfəət marşası hədəfini 5,5% səviyyəsində saxladığını təsdiqləyib.