12:36 - 18.02.2019

---

18 fevral, Fineko/abc.az. Azərbaycan Mərkəzi Bankı (AMB) növbəti depozit hərracı keçirib.

AMB-dan verilən məlumata əsasən, 18 fevral tarixində hərracda Bank 350 milyon manat cəlb edib.

“Depozit hərracında təklif  929,0 milyon manat, orta ölçülmüş faiz dərəcəsi isə 7,26% təşkil etmişdir”, - AMB-dan  təqdim edilən məlumatda belə deyilir.

Vəsaitlər 14 gün müddətinə cəlb edilib.

Depozit hərraclarını AMB 2016-cı ilin iyun ayından etibarən keçirir.