11:16 - 7.09.2026

---

7 sentyabr, Fineko/abc.az. Azərbaycanda yerli üzüm sortlarından premium şərab istehsalını və aqroturizmi stimullaşdırmaq məqsədilə butik şərabçılığın inkişafı üçün yeni subsidiya mexanizmi tətbiq olunur.

Aqrar Subsidiya Şurasının qərarına əsasən müəyyən edilən əsas dəstək şərtləri:

Super-intensiv bağlar (5–20 ha): Hektara 20 000 manat subsidiya (Təsərrüfatın ölçüsündən asılı olaraq ümumi 100 min – 400 min manat dəstək).

İntensiv bağlar (5–20 ha): Hektara 10 000 manat subsidiya (Təsərrüfat üzrə ümumi 50 min – 200 min manat dəstək).

Avadanlıq güzəşti: Kiçik şərabçılıq müəssisələrinin qurulması üçün alınan avadanlıqlara 60% güzəşt tətbiq ediləcək.

Strateji hədəf: 2030-cu ilədək ölkədə 20 yeni butik şərab evinin yaradılması nəzərdə tutulur.

Yeni model yalnız üzümçülüyü deyil, emal prosesini də əhatə edərək kiçik şərab brendlərinin yaradılması üçün real investisiya mexanizmi formalaşdırır.