16:55 - 4.08.2026

---

4 avqust, Fineko/abc.az. “Azərbaycan Beynəlxalq Bankı” ASC-nin (ABB) ümumi dəyəri 5 milyon manat olan istiqrazlarının Bakı Fond Birjasında (BFB) yerləşdirilməsi uğurla yekunlaşıb. BFB-nin Listinq Komitəsinin qərarı ilə qiymətli kağızlar Standart Bazar Listinq seqmentinə daxil edilib.

İyulun 10-dan 31-dək davam edən abunə yazılışı çərçivəsində 573 investordan ümumilikdə 14,9 milyon manatdan çox tələb daxil olub ki, bu da təklifi təxminən 3 dəfə üstələyib. Həyata keçirilən hərrac zamanı 569 investorun 862 sifarişi təmin edilib və 50 min ədəd istiqrazın tamamı yerləşdirilib.

İstiqrazların parametrləri aşağıdakı kimidir:

• Emissiya həcmi: 5 000 000 manat

• Nominal qiyməti: 100 manat

• İllik gəlirlilik: 10%

• Ödəmə tezliyi: Hər 30 gündən bir

• Tədavül müddəti: 2 il

• Anderrayter: “ABB-İnvest İnvestisiya Şirkəti” QSC