17:32 - 30.07.2026

---

30 iyul, Fineko/abc.az. İngiltərə Mərkəzi Bankı (BoE) Pul Siyasəti Komitəsinin iclasında uçot dərəcəsini proqnozlaşdırıldığı kimi %3,75 səviyyəsində saxlayıb.

Qərar 6 lehinə, 3 əleyhinə səslə qəbul olunub. Üç üzv (Baş iqtisadçı Hyu Pill, Meqan Qrin və Ketrin Mann) faizlərin 0,25 faiz bəndi artırılmasının tərəfdarı kimi çıxış ediblər.

Əsas məqamlar:

•      Bəyanat və inflyasiya proqnozu: BoE sədri Əndryu Beyli qlobal qeyri-müəyyənliklərə baxmayaraq, hazırkı mərhələdə faizləri sabit saxlamağın ən doğru addım olduğunu bildirib. Bankın baza ssenarisinə əsasən, hazırda %2,6 olan inflyasiya ilin sonuna kimi %3,2-yə yüksələcək, daha sonra isə mərhələli şəkildə %2-lik hədəfə enəcək.

•      Risk ssenariləri: Neft qiymətlərinin 100 dollardan yuxarı qalxacağı təqdirdə inflyasiyanın 2027-ci ildə %4,5-ə yüksələ biləcəyi barədə xəbərdarlıq edilib.

•      Bazar gözləntiləri: Bazarlar sentyabr iclasında 0,25 faiz bəndlik artım ehtimalını %50-dən yüksək qiymətləndirir.