10:10 - 26.06.2026

---

26 iyun, Fineko/abc.az. ABŞ-İsrail və İran arasında baş vermiş müharibədən sonrakı sülh və danışıqlar optimizmi xarici investorların regional maliyyə bazarlarına geri dönməsini sürətləndirib. Bu müsbət dinamika fond bazarlarında "carry trade" (aşağı faizli valyuta ilə borclanaraq yüksək gəlirli valyutaya investisiya etmə) əməliyyatlarının kəskin artmasında özünü büruzə verir.

ABC.AZ  xəbər verir ki, 19 iyun həftəsində carry trade əməliyyatlarının ümumi həcmi 50,1 milyard dollara yüksəlib. Beləliklə, fevral ayında başlayan müharibədən sonra ilk dəfə bu göstəricidə 50 milyardlıq psixoloji hədd yuxarı doğru keçilib.

Maliyyə axınının əsas göstəriciləri:

• Həftəlik daxilolma: Təkcə 19 iyun həftəsi ərzində carry trade əməliyyatlarına 7,4 milyard dollar həcmində xarici kapital daxil olub.

• Tarixi müqayisə: Müharibədən əvvəlki dövrdə – cari ilin yanvar ayında carry trade portfelinin ümumi böyüklüyü 61 milyard dolların üzərini test etmişdi. Münaqişə bitdikdən sonra bazara qayıdan investorlar qlobal maliyyə sabitliyinin bərpa olunduğuna işarə edir.