11:26 - 22.06.2026

---

22 iyun, Fineko/abc.az. İranın xarici işlər naziri Abbas Əraqçı ABŞ ilə danışıqlarda nəzərəçarpacaq irəliləyiş əldə olunduğunu bildirib.

ABC.AZ xəbər verir ki, onun sözlərinə görə, tərəflər bir sıra sanksiyaların, o cümlədən neft və neft-kimya məhsullarının ixracına qoyulan məhdudiyyətlərin, habelə İran limanlarının işinin yumşaldılması barədə razılığa gəliblər.

İranın dondurulmuş aktivlərinin qismən blokdan çıxarılması ilə bağlı razılıq əldə edilib ki, bu da uzun müddət davam edən sanksiya təzyiqindən sonra ölkə iqtisadiyyatına dəstək ola bilər. Səlahiyyətlilər paralel olaraq detalları hələ açıqlanmayan Bərpa və İnkişaf Proqramı hazırlayırlar.

Vasitəçilərin-Qətər və Pakistanın rolu ayrıca qeyd olunur. Növbəti addım razılaşmaları möhkəmləndirmək və tərəflər arasındakı gərginliyi azaltmaq üçün koordinasiya mexanizmi yaratmaq ola bilər.